Velkommen til Nasjonalt Kompetansesenter Fjellredning
Om oss
Me er ein leiande aktør innan forsking, utvikling og formidling av kunnskap knytt til fjellredningsoppdrag. Målet vårt er å bidra med kunnskap som gjer dei operative aktørane i stand til å redde liv på ein meir effektiv måte.
Me forskar på fleire område som er avgjerande for å betre fjellredningstenesta. Blant anna fokuserer me på snøskredulukker, teknologi og klimaendringar. Dette tyder at me stadig utforskar nye løysingar og metodar for å forbetre redningsoperasjonar i krevjande og utfordrande terreng.
Me trur på samarbeid og jobbar tett saman med operative aktørar for å utvikle kunnskap og verktøy som kan bidra til å redde liv. Ved å dele vår kunnskap og erfaring med andre, håpar me å styrkje fjellredningstenesta og auke sjansane for at fleire menneske overlever alvorlege situasjonar i fjellet.
Me vonar du finn nettsida vår informativ og engasjerande. Ta ein kikk på arbeidet og prosjekta våre, og ta gjerne kontakt dersom du ønskjer å lære meir eller samarbeide med oss. Saman kan me bidra til å gjere fjella til ein tryggare stad for alle som ferdast der.
Hva jobber vi med?
Nasjonalt kompetansesenter for fjellredning skal:
Bidra til at færre menneske døyr eller vert alvorleg skadde som følgje av ulykkeshendingar i fjellet.
Bidra med forsking, utvikling og formidling av kunnskap knytt til fjellredningsteneste.
Levere oppdatert og kvalitetssikra kunnskapsgrunnlag for å vidareutvikle norsk beredskap knytt til fjellredning.
Gjere tilgjengeleg aktuell forsking for aktørane i norsk fjellredningsteneste.
Stimulere til og bidra i gjennomføringa av ulike forsknings- og utviklingsaktivitetar som gjer nytte for føremålet.
Vi skal:
Samle ulike forskingsmiljø og stimulere til nye prosjekt som er relevante for fjellredningsaktivitetar.
Etablere eigna fasilitetar for forsking, utvikling og formidling i samband med vårt arbeid.
Styrkje eit tverrfagleg kompetansemiljø innan vårt fagfelt.
Gjennomføre eigne forskingsaktivitetar, samt delta i og leie andre relevante forskingsaktivitetar.
Stimulere til og bidra i nye doktorgradsstudium, mastergradsstudium og andre forskingsstudium.
Arrangere møteplassar for ulike fagmiljø.
